Чацвер, 28 Май 2026 12:57
Адкрываем Радзіму - пазнаем сябе
У Палажэвіцкай сельскай бібліятэцы прайшла краязнаўчая завалінка “Адкрываем Радзіму - пазнаем сябе”. У ходзе мерапрыемства рабяты адправіліся ў падарожжа па роднай Беларусі, пазнаёміліся з прыродай, выдатнымі мясцінамі, даведаліся пра беларускія традыцыі, успомнілі знакамітых людзей краіны.
Панядзелак, 18 Май 2026 08:27
Казкі дзеда Васіля
15 мая бібліятэкар Горкаўскай сельскай бібліятэкі для вучняў ДУА “Горкаўская сярэдняя школа Старадарожскага раёна” правяла літаратурную гадзіну “Казкі дзеда Васіля”, прысвечаную 115-годдзю з дня нараджэння Васіля Віткі. У ходзе мерапрыемства бібліятэкар распавяла дзецям пра жыццё і творчасць знакамітага пісьменніка. Творы В. Віткі вельмі разнастойныя — гэта лічылкі, жарты, пацешкі, байкі, казкі, загадкі. Творчасць гэтага выдатнага мастака цесна связана з вопытам народнай педагогікі, прасякнута імкненнем аўтара актыўна далучаць дзяцей да скарбаў роднай мовы, садзейнічаць іх духоўнаму і эстэтычнаму выхаванню. Дзеці адгадвалі загадкі, развучвалі лічылкі і гулялі ў гульні. Дзецям было весела і цікава.
Панядзелак, 18 Май 2026 08:20
Сям’я – гэта любоў
15 мая бібліятэкар Горкаўскай сельскай бібліятэкі для вучняў ДУА “Горкаўская сярэдняя школа Старадарожскага раёна” правяла тэматычную гадзіну да Міжнароднага дня сям’і “Сям’я – гэта любоў”. Мерапрыемства пачалося з разважання — што ж такое сям'я, сямейнае шчасце. Вучні адказвалі на пытанні аб тым, якую сям'ю можна назваць шчаслівай і што важна для стварэння шчаслівай і дружнай сям'і. У гульнёвай форме дзеці ўспомнілі прыказкі аб сям'і, адгадвалі загадкі. Усё гэта дапамагло дзецям умацаваць сваё ўласнае разуменне сям'і і яе традыцый.
Панядзелак, 18 Май 2026 06:20
Вясёлка Васіля Віткі
У Церабуцкай сельскай бібліятэцы-клубе ў рамах літаратурнага гуртка «Ветразь» прайшоў літаратурны калейдаскоп «Вясёлка Васіля Віткі», прысвечаны 115-годдзю з дня нараджэння заслужанага дзеяча культуры Беларусі, паэта, празаіка, драматурга, крытыка, перакладчыка Васіля Віткі.
Субота, 25 Красавік 2026 08:55
Кожная пятніца — роднае сваё
У Старадарожскай раённай цэнтральнай бібліятэцы ў рамках праекта «Кожная пятніца — роднае сваё» адбылася сустрэча з майстрам па ткацтве і пляценні паясоў Нэлі Карасік і прайшла творчая лабараторыя «Спадчына ў нітках». Бібліятэкары паглыбіліся ў свет традыцыйных рамёстваў, даведаліся пра гісторыю беларускіх паясоў і асаблівасці іх арнаментаў. Падчас творчай лабараторыі ўдзельнікі ўбачылі, як ствараецца пояс на калодачцы, і нават пазналі сакрэт пляцення шнура на пяці пальцах — старадаўнюю тэхніку, якая і сёння ўражвае сваёй простай мудрасцю. Сустрэча атрымалася цёплай, пазнавальнай і натхняльнай.
Пятніца, 24 Красавік 2026 09:26
Кожная пятніца — роднае, сваё!
Бібліятэкар Языльскай сельскай бібліятэкі ў рамках праекта «Кожная пятніца — роднае, сваё!» для вучняў 3–5 класаў правяла арт-гадзіну «Пісьменнік, філосаф, гуманіст», прысвечаную да 140-годдзя з дня нараджэння беларускага пісьменніка Змітрука Бядулі. Бібліятэкар нагадала асноўныя вехі жыцця і творчасці пісьменніка, зрабіла агляд літаратуры. Вучні чыталі казку «Скарб» і адказвалі на пытанні віктарыны па казках.
Серада, 22 Красавік 2026 06:39
Кожная пятніца – роднае, сваё!
Традыцыі беларускага народа з'яўляюцца ўнікальнай і багатай спадчынай, якая працягвае жыць у сучасным грамадстве. Яны адлюстроўваюць душу і гісторыю нашага народа. 17 красавіка ў Церабуцкай сельскай бібліятэцы-клубе ў рамках праекта “Кожная пятніца – роднае, сваё!” прайшла інфармацыйная гадзіна “Культурная спадчына: нашы традыцыі і сучаснасць”. Бібліятэкар расказала пра багатую культуру і традыцыі беларускага народа і пазнаёміла з кнігамі з фонду бібліятэкі-клуба.
Серада, 22 Красавік 2026 06:38
Міколка-паравоз
У гэтым годзе спаўняецца 90 гадоў з часу напісання аповесці Міхася Лынькова “Міколка-паравоз” (1936). “Міколка-паравоз” — шырока вядомая аповесць пра жыццё і прыгоды хлопчыка Міколкі, сына чыгуначніка. У Церабуцкай сельскай бібліятэцы-клубе ў рамках пасяджэння гурта “Ветразь” прайшла літаратурная вандроўка “Падарожжа з Міколкай-паравозам”.
!
Published in
Карусель (баннеры)
More...
Пятніца, 10 Красавік 2026 11:10
Нацыянальны касцюм і жаночы вобраз
У Шчыткавіцкай сельскай бібліятэцы ў рамках праекта “Кожная пятніца – роднае, сваё” прайшла пазнавальная гадзіна “Нацыянальны касцюм і жаночы вобраз". Падчас мерапрыемства дзеці пазнаёміліся з гісторыяй нацыянальнага касцюма, падрабязна даведаліся пра тое, як і з чаго яго выраблялі нашы продкі, якія тканіны, узоры і вышыўкі характэрныя для касцюмаў розных рэгіёнаў Беларусі.
Чацвер, 09 Красавік 2026 07:01
Велікоднае яйка
Лічаныя дні да Вялікадня – і ў паветры ўжо адчуваецца святочны настрой. Пакуль у дамах ідзе апошняя падрыхтоўка, у Старадарожскім цэнтры рамёстваў пагрузіліся ў сапраўднае велікоднае мастацтва. Прайшоў час народнай творчасці “Велікоднае яйка”, дзе прынялі ўдзел бібліятэкары Старадарожскай раённай цэнтральнай бібліятэкі. Цёплая атмасфера, свечкі, фарбы, арнаменты – і кожнае яйка ператваралася ў маленькі сімвал свята.
Панядзелак, 06 Красавік 2026 08:50
Ім патрэбна наша абарона
4 красавіка ў Горкаўскай сельскай бібліятэцы прайшла літаратурна-экалагічная гадзіна “Ім патрэбна наша абарона”. У ходзе мерапрыемства дзеці пазнаёміліся з кнігамі пра жывёл і птушак, з Чырвонай кнігай Беларусі, даведаліся, якія жывёлы і птушкі знаходзяцца пад абаронай дзяржавы, адгадвалі загадкі, гулялі ў гульні.
Панядзелак, 06 Красавік 2026 08:49
Кожная пятніца — роднае, сваё
У Церабуцкай сельскай бібліятэцы-клубе ў рамках праекта «Кожная пятніца — роднае, сваё» прайшоў час фальклору «Расліны беларускай зямлі». Бібліятэкар паведала дзецям беларускія народныя легенды пра паходжанне асобных дрэў і кустарнікаў, асаблівасці іх знешняга выгляду.